ARTIKEL

Protem 1828 PBB nyadi pelasar manah nempa tuai bepenau

Facebook
Twitter
LinkedIn
WhatsApp
Telegram

BINTULU: Pengawa Numbuh Sayap Nembiak 1828 Parti Pesaka Bumiputera Bersatu (PBB) nya endang siti singkang ke mua parti nya dikena nempa rebak tuai ti bepenau megai nengeri tu dudi hari.

Sapit Tuai Pampang PBB Tanjong Batu, Sophie Sharie madah, pengawa numbuh sayap nembiak nya deka nyadi siti pelasar baru matih bala nembiak beumur 18 nyentuk 28 taun bekaul atur pengawa politik.

Iya ngarap komiti protem nya ulih mantu ngangkat parti PBB seruran engkeman enggau tegap kelimpah ulih ngesan pangku pengawa nyadi kaban parti.

“Protem 1828 siti ari sayap baru ti dibantai Presiden PBB, Datuk Patinggi Tan Sri Abang Johari Tun Openg ungkup bala nembiak beumur entara 18 nyentuk 28 taun.

“Lebih narit ati, Protem 1828 tu mungkur dua penempa (lelaki enggau indu), nyangka bisi pampang indu enggau lelaki ungkup sayap tu.

“Nya alai, malam tu (malam ensanus), aku temegah ati ngagai PBB Tanjong Batu laban kitai mujur ngelanchar enggau numbuh siti Protem 1828 lalu dipelaba aku, ba endur bukai bedau agi ngatur pengawa bejadi protem baka tu,” ku iya.

Sophie mansutka jaku nya rambau Pengerami Makai Lemai Begulai PBB Tanjong Batu sereta bejadi Protem Nembiak PBB Tanjong Batu ba sebuah hotel tebilang ditu, malam ensanus.

Iya mega ngelalau kaban Protem Nembiak PBB Tanjong Batu ngambi bechunto ke kaban senior parti nya bekaul pengawa meri servis enggau gawa ke komuniti.

Ku iya, nya ukai semina meri pemaik ngagai diri empu tang ruang bilik enggau rebak dudi seraya nyemetak madahka kerejasama semua orang beguna amat ngambi agenda nembiak ulih dikeamat.

LAIN-LAIN BERITA

Lebih 360,000 ngusung Muzium Budaya Borneo

KUCHING: Muzium Budaya Borneo (BCM) ngerikod lebih 360,000 pengusung sepemanjai taun 2023. Menteri Dagang Temuai, Industri Kreatif enggau Seni Pemerindang (MTCP), Datuk Seri Abdul Karim

Mi kolo digazet nyadi Pemakai Pesaka Menua

KUCHING: Pemakai ti dikerindu mensia mayuh di Sarawak, mi kolo diatu udah digazet nyadi siti Pemakai Pesaka Menua tauka ‘Makanan Warisan Kebangsaan’. Pekara nya mega

Batu Kawa deka bisi ‘water park’

KUCHING: Peranak ba Sitak Kunsil Nengeri (DUN) Batu Kawa deka terus ngasaika transformasyen pemansang lebuh pengawa ngerichah peluang dagang temuai ari perambu ngaga taman rekreasyen

BERITA TERBARU