SIBU: Parti Sarawak Bersatu (PSB) ngenukuka semina bediri minta pilih ba 70 penuduk Kunsil Nengeri (Dun) ba Pengawa Bepilih Besai Nengeri Ke-12 (PRN12) Sarawak.
Presiden iya Datuk Seri Wong Soon Koh madah pemutus nya digaga laban ngemeratka juluk ba penuduk ke ulih menang.
“Kami enda bediri ba semua kerusi, ukai ketegal enda chukup chalun ke bekualiti. Tang kami deka bebendar meri perati menang lebih mayuh penuduk,” ku iya.
Iya mansutka pekara nya ba aum pemberita PSB di Sibu, kemari.
Kenu ku iya, PSB ngirai 70 iku chlaun nyengkaum 10 iku chalun indi ba PRN12 ke deka diatur kena 18 Disember tu nyenngkaum siku chalun pemadu biak Intanurazean Wan Sapuan Daud, 26 taun ba DUN Nangka.
Tu mega nyengkaum Soon Koh empu deka ngetanka penuduk DUN Bawang Assan ke udah disadang iya pengelama enam penggal kenyau 1991.
PSB mega deka bediri minta pilih ba Dudong, Palawan, enggau Bukit Assek.
