ARTIKEL

Pupu bansa rindu nebah Sape

Facebook
Twitter
LinkedIn
WhatsApp
Telegram

SIBU: Kem Sape 2023 diatur Kelab Sape Dayak Sibu (KSDS) kena Hari Enam tu tadi udah nerima timbal ti chukup manah kelebih agi ari raban nembiak.

Bisi 50 penyereta ari bemacham renggat umur udah ngulu kem sehari nya.

Nya kebuah, Chairman KSDS, Anthony Abong madahka diri berasai temegah pengudah kem nya nerima timbal ti chukup manah.

“Timbal chukup manah lalu kami enda ngadang kem tu nerima mayuh penyereta ari serap umur.

“Lebuh ngemegah ati, kem tu dipasuk penyereta ari Semenanjung Malaysia, penyereta bansa China enggau Islam lalu ukai semina ari bansa Dayak aja,” terang iya.

Anthony madah, maya kem nya bala penyereta belajar chara nebah Sape, meda pemerindang nebah Sape, belajar Ngajat, belajar chara ngaga Sape enggau licha pasal Sape.

“Ba kem tu, kami ngangau siku Master Of Sape, Jimpau Balan ngemujur slot Kem Sape Tradisional.

“Bisi mega finalis Sape Junior 2023 asal ari Sibu, Stamford Ryan datai ngerichahka agi Kem Sape tu,” ku iya.

Anthony madah, batang tuju program tu dikena ngangkat enggau belajar budaya Dayak kelebih Sape ngagai mensia mayuh sereta ngelaku penumbuh KSDS ba Sibu.

Iya nyemetak madah, KSDS udah bisi nalan kediri empu ba Ringkat Satu, No.6E, Jalai Kampung Datu, Sibu.

“Pengudah bisi palan kediri, udah tentu kitai deka ngatur mayuh agi aktiviti enggau begunaka sukung mensia mayuh begulai ngetan kereban muzik asal Sape tu ngambi dikerembai enggau terus ditegi belama iya.

“Endang amat, mayuh nembiak diatu rindu agi nebah gitar. Nya kebuah kami keran marit nembiak rindu nebah Sape lalu tu mega tuju KSDS ditumbuh,” terang iya.

Anthony madah, mensia mayuh ke deka nemu silik pasal KSDS tau nganjung pesan ngagai Facebook KSDS.

LAIN-LAIN BERITA

Bakih strategik KGC deka ditambah

SARIKEI: Opis Menteri Pemansang Indu, Nembiak Mit enggau Pengelantang Komuniti Sarawak (KPWK) benung chakah ngatur pengawa sida ngambi mayuh agi premis nerima Kenyalang Gold Card

TYT Sarawak bulih gelar Pehin Sri

KUCHING: Tuai Pemegai Menua (TYT) Nengeri Sarawak, Tun Dr. Wan Junaidi Tuanku Jaafar udah nerima Darjah Utama Yang Amat Mulia Satria Bintang Sarawak (S.B.S) ke

KDJA ngerami 200 pengemeran media malam tadi

KUCHING: Lebih 200 iku pengemeran media dirami nyerumba Pengerami Makai Lemai Taun Baru China Gerempung Pemberita Bagi Menua Kuching (KDJA) malam tadi. Sekeda program bisi

Sistem belanja seikas menua maju

MIRI: Perintah Sarawak benung nungkap pengawa numbuhka sistem belanja ti seikas enggau menua ti udah maju ba rantau tu. Premier Sarawak Datuk Patinggi Tan Sri

BERITA TERBARU