ARTIKEL

Putar enggau meruan penusah ngenyit kelebih agi bekaul minyak naya ba tasik

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

MIRI: Pengawa ngatur penusah ngenyit patut diberi berati dikena nagang pengamah rampa menua ti ulih mai empas enda manah ngagai komuniti.

Sapit Chairman Komiti Pengatur Penyah Penusah Nengeri Sarawak (JPBNS), Datuk Buckland Bangik madah, dikena nentu inisiatif nya mujur, pengawa ngatur kes ngenyit baka pengamah rampa menua patut dipejalai enggau manah sereta sistematik.

Terang iya, juluk besai inisiatif nya dikena nentu operasyen industri minyak enggau gas (O&G) enda nyungkak ngagai kes pengamah rampa menua ti ulih ngasuh penusah ngenyit nyadi.

“Aku balat betatika pekara bekaul penusah ngenyit ti ulih ngeruga pengelantang enggau pengerai rayat ba nengeri tu.

“Penusah ngenyit nya baka penusah bah, ensebun enggau minyak naya ba tasik ba skala besai lalu ngujungka tebing tasik kamah.

“Penusah minyak naya ba tasik deka ngeruga penatai pemisi orang berikan, palan ngelantang ati ba tebing tasik, pengamah rampa menua sereta ngerusak ekosistem utai tumbuh enggau utai idup ba tasik.

“Pia mega, nya deka mai pengerugi besai nyengkaum ari sukut belanja dikena bejalai pengawa meresi enggau nyumanka baru palan ti nerima empas ari penusah tu,” ku iya.

Buckland mansutka jaku nya lebuh teks jaku iya dibacha Sapit Direktor Unit Pengelikun enggau Penerit Atur Sarawak (UKPS), Datuk Clarence Rote Sagon ba Program Bejadi Latih Nagang Minyak Naya Ex Empurau 2024 ditu, kemari.

Nya alai, ku iya, pengawa nagang ba renggat tumu patut dikemerat enggau dipejalai dikena nyeliah penusah ngenyit nya nyadi ti ulih ngeruga rampa menua enggau komuniti.

BERITA LAIN

BERITA TERBARU