ARTIKEL

Putar isu pemindah komuniti ngagai mengeri

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

SIBU: Kaunsil Mengeri Sibu (MPS) dilalau mutar isu komuniti menua pesisir mindah ke mengeri Sibu enggau semitan agi.

ADUN Katibas, Lidam Assan madah, isu rumah dampa ba mengeri ukai isu baru laban Sibu nyadi palan ditapatka sida ari menua pesisir baka Song.

“Enda ngira sapa, sida tu endang rayat Sarawak ti diau ditu lalu ngaku Sibu nyadi palan ti ngembuan tunga kuing ti tampak agi.

“Nya alai, aku minta MPS betatika isu tu ditu ba sukut ti besai agi,” ku iya rambau Pengerami Ngiling Bidai MPS ditu, malam ensanus.

Iya madah, bepelasar pengawa matau dipejalai ba Sibu rambau pandemik COVID-19 nyin kemari, urung 10,000 peranak menua pesisir bisi dirikod mindah ke mengeri nya.

Tebal agi raban nya endang rayat Sarawak ti datai ari sitak Song, Kapit enggau Tanjung Manis.

Lidam mega ngelalau raban MPS nambahka inisiatif sida ba pengawa nempa mengeri tu maju kelebih agi lebuh Indonesia mindahka indu mengeri sida ari Jakarta ke Kalimantan Timur.

Berebak enggau nya, Kapit semina ulih dilawa ari Sibu ti nyadi mengeri ti pemadu semak enggau indu mengeri baru Indonesia nya.

“Aku mega meransang komuniti Iban bekerejasama enggau raban MPS sereta perintah ngambi kitai bansa ulih maju seraris enggau pemansang ditu,” ku iya.

Sama datai, ADUN Bukit Assek, Chieng Jin Ek, Chairman MPS, Kaunsilor Clarence Ting Ing Horh, Sapit Chairman MPS, Kaunsilor Mohammed Abdullah Izkandar Roseley, Sekretari MPS, Yong Ing Chu, Sapit Residen Bagi Menua Sibu, Christopher Ranggau Unting sereta Chairman Pengatur, Kaunsilor Christopher Kelebit Ansa.

BERITA LAIN

BERITA TERBARU

‘Strongman Challenge’ tarik minat orang awam

KUCHING: Penganjuran pertandingan ‘Strongman Challenge’ dapat menggalakkan gaya hidup sihat dan minda yang kuat dalam kalangan anggota polis serta orang awam. Komandan Pulapol Kuching, SAC