ARTIKEL

Putar lengkas tanah tusur baruh Jematan Sg Sarikei

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

PAKAN: Perayat Ulu Sarikei sebana ke tanah baruh Jematan Sungai Sarikei balat tusur lalu apin diseleti.

Perayat Rumah Panggai Dayat benama Linsu Duat enggau Merundi Budit madah, pun jematan nya bisi betingkah bekau ari tanah tusur.

“Tanah baruh jematan udah tusur ngujung ke baruh jematan belubang sereta enda likun ditengah kami.

“Penanggul tu nyadi kena 21 March tu tadi lalu apin diseleti nyentuk sehari tu,” ku iya.

Seduai mega madah, Jematan Sungai Sarikei nya ditengah perayat ari empat buah rumah panjai enggau sebuah sekula primari.

Entara rumah panjai enggau sekula ti betengahka jematan tu baka Rumah Panggai, Rumah Ganie, Rumah Rantai, Rumah Sibar Lubuk Lemba enggau Sekula Primari (SK) Assun.

Kelimpah ari nya, seduai madah dulu ari nya bisi penusah tanah tusur nyadi tang udah diadu sida semenua ngena chara beripai.

“Besai pengandal kami ngagai ejensi bekaul ulih mantu nyeleti penusah nya enggau naka pengelengkas,” ku sebana seduai.

Linsu enggau Merundi madah, sida agi rawan betengah ke jematan nya nangi ke penusah enda disadang nyadi.

“Nya alai, minta semua kita ti betengahka jematan nya semampai bejimat,” terang iya.

BERITA LAIN

BERITA TERBARU