Putarka laya, PKR patut ngemeratka rayat

KUCHING: Chairman Pakatan Harapan (PH) Sarawak Chong Chieng Jen ngansak Parti Keadilan Rakyat (PKR) mutarka laya sida dikena napi Pengawa Bepilih Nengeri Ke-12 (PRN12) enda lama agi.

Ku iya, laya tu tau ngeruga penuduk PH ti megai Perintah Sarawak enti PKR puntan mutarka penanggul sida.

“Aku ngarapka PKR lebih ngemeratka Sarawak enggau rayat lalu patut ngiarka agenda diri empu,” ku iya lebuh dirandau pengudah pengawa ba Sekula Sekondari Chung Hua No.3 ditu, ensanus.

Pia mega, Chairman PKR Sarawak, Baru Bian ba aum pemberita ba Kuala Lumpur kemari madahka bisi ketuai dalam PKR nguji ngelabuhka iya.

Ku iya, bisi Surat Sumpah disadung ngagai Ketuai Pampang enggau duit ke mayuh diberi ngagai Ketuai Pampang ti setujuka pengawa nya.

Nambahka nya ku Ching, sida pechaya bisi piak ti ngepun enggau ngempung sukung ari Ketuai Pampang ba Sarawak ngemaruhka penuduk enggau nukar iua nya Chairman ti baru.

“Kami pechaya, pekara tu deka ngelabuhka aku nyadi Chairman Kaunsil Ketuai Nengeri (MPN) Sarawakmega udah diperambu bejalaika Konvesyen Keadilan Sarawak ila,” terang Chong.

Suara Sarawak