ARTIKEL

PVATM Sarawak nyeleti rumah veteran soldadu

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Raban Gerempung Veteran Soldadu Malaysia (PVATM) Sarawak sereta Komiti Pemansang enggau Pengelikun Genturung Pendiau (JKKK) Kampung Sungai Baru udah beripai mantu nyeleti rumah siku veteran PVATM.

Adun Kota Sentosa, Wilfred Yap Yau Sin madah, projek nya sebagi ari Projek Mit Pemansang Menua Pesisir (MRP) raban seranta.

“Aku beterima kasih ngagai PVATM Sarawak enggau JKKK Kampung Sungai Baru laban udah nyaup lalu beripai nyeleti rumah raban ti begunaka bantu.

“Kerejasama baka tu meri pemaik ngagai rayat kitai ba Kota Sentosa lalu aku andal pengawa tu ditampung awak mayuh agi rayat ulih dibantu,” ku iya.

Willfred bejaku munyi nya lebuh ngabas rumah ti udah diseleti ba Kampung Sungai Baru ditu, kemari.

Nangkan nya, Tuai PVATM Sarawak Jimbau Galau madah, sida ba gerempung nya ngadu pengawa beripai bebala mayuh nyeleti rumah ti balat begunaka bantu. 

“Kami ari PVATM meri terima kasih ngagai YB Willfred Yap laban udah meri agih belanja kelai mantu kaban kami ti begunaka bantu kelebih agi ngagai peranak di Kampung Sungai Baru.

“Kami keran deka mantu raban bukai kelebih agi veteran soldadu ti begunaka bantu ngambi sida seruran ulih meri servis pemadu manah ngagai rayat.

“Nya alai, kami ngarap pengari rayat enggau ejensi bekaul seruran meri bantu ngagai kami ngambi ulih mantu mayuh agi kaban bukai,” ku iya.

BERITA LAIN

Dua pendam lama di Song disengkubang

SONG: Dua pendam Iban ditu udah disengkubang orang nadai tanggungpengawa ba penusah diripot nyadi kena 20 enggau 22 Mei tu tadi. Tuai Polis Pelilih Song,

Kaul komuniti Dayak meruan teguh

LUNDU: Penyerakup komuniti Dayak diatu chukup teguh taja ari bemacham raban etnik, ku Sapit Premier, Datuk Amar Douglas Uggah Embas. Iya ti temegah beratika pekara

BERITA TERBARU