ARTIKEL

SIKAR… Raban Batalion Ke-7 Rejimen Adan mantu ngangkut barang ti diberi ngagai raban tasah angus ba Rumah Ugop, Nanga Sigu, Pandan ditu, empai lama.

Raban Batalion Ke-7 Rejimen Adan temegah mantu peranak Rumah Ugop

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

BINTULU: Raban Batalion Ke-7 Rejimen Adan mantu ba pengawa nganjung barang bantu ngagai raban tasah angus ba Rumah Ugop Umpin, Nanga Sigu, Pandan, Sebauh empai lama.

Pegawai Pemerintah Batalion Ke-7 Rejimen Adan, Lt. Kol. Shahrin Mohd Nahrawi madah, operasyen meri bantu nya diatur Opis Residen Bagi Menua Bintulu nengah kerejasama ejensi perintah bekaul.

Iya madah, bisi tujuh iku raban sida enggau sebuah lori tiga tan digerah nganjung barang bantu baka tilam, panggal enggau ai irup.

“Bantu baka tu ulih ngedut pemanah kaul entara raban soldadu enggau mensia mayuh sereta ejensi perintah ti bukai,” ku iya.

Shahrin mansutka jaku nya ba sebengkah penerang Facebook Batalion Ke-7 Rejimen Adan.

Ba penusah ti nyadi pukul 12.43 tengah mlam kena 2 June tu tadi, bisi 325 peranak Rumah Ugop Umping semina tinggal gari ba punggung aja pengudah rumah panjai 43 pintu nya angus lengis.

Taja pia, nadai orang diripot bebadi nyawa tauka bakal ba tubuh ba penusah nya.

BERITA LAIN

BERITA TERBARU