Raban gerija diperansang betanam chara moden

KUCHING: Perintah Sarawak minta raban Gerija Anglikan seati enggau sepenemu ngenegapka agi program transformasyen tauka ubah ba betanam betupi dikereja sida.

Sapit Kepala Menteri Datuk Amar Douglas Uggah Embas minta raban ari 40 buah Gerija Anglika selampur Sarawak ngambi bagi ba pengawa betanam betupi.

“Batang tuju program tu endang deka ngemunaska penyeranta kelebih agi ngagai peranak ke diau ba kandang menua pesisir.

“Kebuah pia laban tebal agi raban diselinting endang nyadi kaban gereja tu,” ku iya.

Uggah madah munyi nya lebuh bejaku ba pengerami Makai Lemai 29th Biennial Diocesan Synod enggau Ngiga Belanja ke Begunan House of Epiphany ke baru bepalan ba sebuah hotel tebilang ditu, kemari.

BEJADI… (Ari kiba) Bishop Gerija Anglikan Sarawak enggau Brunei Right Reverend Danald Jute, Uggah enggau Sapit Bishop Kuching Righ Reverend Nelson Ugas lebuh bejadika projek begunan House of Epiphany ke baru malam Minggu nyin tadi.

Suara Sarawak