ARTIKEL

NYAMAI… Uggah (dua kanan) enggau bini iya, Datuk Doreen (kiba) sereta Dr Richard (dua kiba) enggau bini iya, Lucy (kiba) mantaika pemakai ti digaga ari ikan Buntal Spaoh ba pekit nyumai ti bisi diatur ba program nya.

Raban indu Bukit Saban nyukung agenda pemansang perintah

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

SPAOH: Sapit Premier Sarawak, Datuk Amar Douglas Uggah Embas muji penaluk enggau pengangkun raban indu Bukit Saban ba pengawa nyukung agenda pemansang perintah.

“Genap kali pengawa bepilih, sida seruran ba mua maya bekimpin sereta nentu pengundi nyukung chalun perintah.

“Sida mega nyadi tulang belakang perintah Gempung Parti Sarawak (GPS). Kitai beterima kasih ngagai sida ketegal tanggungpengawa enggau penaluk sida ngagai parti tu lalu pemadu beguna, sida bela mantu ba pemujur chalun GPS,” ku iya.

Uggah mansutka jaku nya rambau Program Ngintu Hati Indu Bukit Saban ditu, empai lama.

Ngelansa senentang pengawa betanam betupi, iya madahka sitak Tanjung Sebekut deka nyadi siti agi palan nanam padi hibrid bekualiti tinggi ba Sarawak.

Berita gaga, ku iya, perambu pemansang nya udah dipersetuju Premier Sarawak, Datuk Patinggi Tan Sri Abang Johari Tun Openg.

Uggah ti mega Kaban Kunsil Nengeri (ADUN) Bukit Saban meri jamin iya enggau Kaban Parlimen Betong, Dr Richard Rapu deka ngereja pemadu manah nempa Bukit Saban nyadi tibang pemakai tebilang ba nengeri tu.

“Perambu kami iya nya nyendia perengka betanam, bekal leka benih, teknologi pemadu baru lalu kitai deka ngena agih belanja RM200 juta ari Ejensi Pemansang Bagi Menua Betong.

“Agih belanja tu deka dikena enggau manah ungkup ngemansang program betanam betupi ti engkeman sereta ulih nyungkak penatai pemisi bukai.

“Dikena matih enggau nempa orang bumai moden, kitai bisi Agropark Bebuling ti benung dikemansang kelimpah palan ngumpul, nginjin enggau mungkus ti enda jauh ari Penyangkai STOL Bebuling ti benung digaga,” terang iya.

BERITA LAIN

Dua pendam lama di Song disengkubang

SONG: Dua pendam Iban ditu udah disengkubang orang nadai tanggungpengawa ba penusah diripot nyadi kena 20 enggau 22 Mei tu tadi. Tuai Polis Pelilih Song,

Kaul komuniti Dayak meruan teguh

LUNDU: Penyerakup komuniti Dayak diatu chukup teguh taja ari bemacham raban etnik, ku Sapit Premier, Datuk Amar Douglas Uggah Embas. Iya ti temegah beratika pekara

BERITA TERBARU