Raban pengabang Gawai Naik Dango 2019 diambat enggau penuh basa

INDONESIA: Penatai 20 iku raban bansa Dayak ari Sarawak ti ngabang ke Kabupaten Landak,Kalimantan Indonesia diambat enggau penuh basa.

Pejalai sida tu ngabang kitu ketegal ari tesau bala menyadi bansa Dayak ari menua sepiak tu enggau ngerichahka Pengerami Gawai Naik Dango 2019 Ke-34 ti deka dipenyadi pagila (27 April).

Berambaika jaku ‘Pelestarian Budaya Daerah Untuk Memperkuat Jati Diri Bansa dan Budaya Nusantara’ mai kitai nyidi gaya idup asal bansa Dayak seraya ngelala kaul enggau pangan diri.

Pengawa bejadi deka diatur ba laman besai Rumah Randakng Aya’ Kabupaten Landak ditu ti digulu raban bansa Dayak sekayu menua Kalimantan.

Bala pengabang meleka ari Kuching, pagi tadi urung pukul 7.30 pagi tadi lalu datai di Kota Ngabang nuntung tengahari.

Bala pengabang diuluka Victor Ason ari Dayak Bukit Kelingkang (DBK) nyempulang bala ketuai Dayak ari Kalimantan diuluka Pak Abet Nego.

GEMPURU SEMBIANG…Raban pengabang Gawai Naik Dango 2019 ari Sarawak begempuru sembiang ba ruai begulai enggau Dayak Kabupaten Landak pengudah sangkai ba menua nya.

 

KELAI BASA…Dayak Kabupaten Landak ngena ngepan asal bejalai bebala mayuh ngelaluka penatai bala pengabang ari Sarawak.

 

NANGGAM KAUL…Ketuai pengabang ari Sarawak, Victor Ason (dua kana) begambar kenang enggau pengari Forum Nembiak Dayak Landak John (kanan) ti ngambat penatai sida. Bela dipeda (ari kiba) Pak Alim enggau Pak Abet.

Suara Sarawak