Raban pengajar taska enggau tadika bela besai guna

KUCHING: Raban pengajar taska enggau tadika ba renggat Pelajar Tumu Anak Mit (PAKK) sama besai guna seikas baka palan pelajar ke bukai.

Menteri Pengintu Pengelantang Pendiau, Komuniti, Orang Indu enggau Pemansang Anak Mit Datuk Seri Fatimah Abdullah madahka sida sama chukup beguna baka bala pengajar sekula primari, sekula sekondari enggau institusyen pelajar tinggi (IPT).

“PAKK kunchi besai ngagai pemujur siku orang jya baik ari sukut pelajar tauka rama.

“Nya alai, perintah nengeri udah melanja mayuh dalam nyendiaka kualiti PAKK baka bantu, geran, belanja enggau sistem sukung,” ku iya.

Fatimah madah munyi nya lebuh bejaku ba pengerami Konvokesyen Kolej Sidma Ke-6 di Dewan Kompleks Islam ditu, pagi tadi.

Nangkan nya ku iya, Perintah Sarawak ngaku PAKK kelebih agi dalam nambah pengelandik ba tusun jaku, ngira sereta pengelandik rama luar ari ruang bilik.

Suara Sarawak