Raban volunteer ti ngujika vaksin Covid-19 deka dipatau

KUCHING: Raban Volunteer ti deka ngujika vaksin Covid-19 mesti nitihka atur lalu deka dipatau.
Direktor Opis Pengerai Nengeri (JKN), Dr Chin Zin Hing madahka pengawa ngujika vaksin tu deka dipejalai ba siti ari semilan palan ti udah ditetap.
Taja pia, iya enggai nerang silik pasal pekara nya laban iya nadai ngaul diri ba pengawa nya.
“Tang bala volunteer deka mantaika mayuh tanya ila lalu sida deka dipatau Opis Menteri Pengerai Malaysia (KKM),” ku iya nerang pandak.
Iya mansutka jaku nya ba aum pemberita Covid-19 betuaika Sapit Kepala Menteri Datuk Amar Douglas Uggah Embas di Begunan Dun Lama, ditu kemari.