Raghad enggau tiga iku Menteri Muda ari Sarawak nerima gela nyerumba Hari Wilayah Persekutuan

KUCHING: Bini Tuai Pemegai Menua (TYT) Sarawak, Toh Puan Datuk Patinggi Raghad Kurdi Taib udah nerima pangkat Seri Utama Mahkota Wilayah ari Yang di-Pertuan Agong ti mai gela Datuk Seri Utama beserimbai enggau Hari Wilayah Persekutuan 2021, ditu sehari tu.

Nangkan ke nya, Kaban Parlimen Puncak Borneo Willie Mongin, Kaban Parlimen Saratok Ali Biju enggau Kaban Parlimen Limbang, Hasbi Habibollah entara 81 penerima Panglima Mahkota Wilayah ti mai gela Datuk.

Ba Perintah Besai Perikatan Nasional (PN), Ali Biju mangku pengawa nyadi Sapit Menteri Pengeluar Kuasa enggau Pengeraja Asal, Willie nyadi Sapit Menteri Pengawa Bekebun enggau Komoditi seraya Hasbi nyadi Sapit Menteri Perengka Pengangkut.

Nya alai, Menteri Wilayah Persekutuan, Tan Sri Annuar Musa ba sebengkah penerang madahka haribulan nyuaka tanda basa Darjah Kebesaran, Bintang enggau Pingat agi dikerandau laban beratika pengerekai Covid-19 lalu deka dipadah ngagai bala penerima.

Toh Puan Datuk Patinggi Raghad Kurdi Taib
Ali Biju
Willie Mongin
Hasbi Habibollah

Suara Sarawak