ARTIKEL

Rampa menua meruan meseti ditan

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Rentayan Nyelamat Sungai Sarawak (SAVE Rivers) chakah bejalaika pengawa ngintu enggau nyaga sitak Kampung Ulu Baram (KHUB) dikena nyamin tunga kuing rebak baru dia.

Sitak KHUB ti ngembuan pemesai 282,500 hektar tauka tiga kali lipat mesai menua Singapore nya diuan urung 4,000 orang.

Nya alai, beguna amat nyaga komuniti, rampa menua meruan enggau pesaka main asal dia.

Direktor Pekara SAVE Rivers, Celine Lim madah, raban sida chakah ngemerat empat prinsip dikena numbuh projek ngintu sitak nya.

“Projek tu sebengkah inisiatif komuniti dikena ngelindung sitak kampung asal kepenudi Sarawak, ngintu main asal peranak ditu enggau ngemansang penatai pemisi ti meruan.

“Projek tu udah disah penuh Gerempung Kayu Tropika Antarabansa (ITTO) ba taun 2020 sereta dipelanja City of Basel, Jipun enggau mayuh agi ti bukai,” ku iya.

Celine mansutka jaku nya rambau dirandau pemberita ba Program Ngirup Lemai SAVE Rivers ditu.

Ngelansa silik, ku iya, projek keterubah diatur nya nerima sukung penuh ari komuniti dia, Perintah Sarawak enggau Perintah Besai kelebih agi Opis Menteri Pengawa Bekebun enggau Komoditi.

“Kami temegah laban komuniti asal ditu nyukung penuh projek tu laban tu ulih nyaga ekologi rama jelu, utai tumbuh sereta ekonomi rama komuniti ditu empu.

“Kelimpah ngintu chara asal pun penatai pemisi, projek tu mega ulih nempa endur tu nyadi pematak dagang temuai sereta meri kuasa ngagai komuniti asal ditu ngetanka hak sida,” ku iya.

BERITA LAIN

2,000 belanda seraya ngintu rampa menua

KUCHING: Urung 2,000 penyereta ngulu program belanda pengasih besuluka jaku Run To Save Lives 4.0 ti belabuh ba mua Majlis Bandaraya Kuching Selatan (MBKS), ditu

BERITA TERBARU