ARTIKEL

ABANG JOHARI TUN OPENG

Randau entara perintah patut diatur ungkup ngemansang projek Kereta Api Borneo

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

INDUN SILONG
Suarasarawak.news@gmail.com

KUCHING: Perintah Sarawak nadai nemu perambu sebuah serikat peribit ari Brunei ti deka ngaga projek rentayan kerita api laju ti keterubah ba Borneo ti mungkur Sarawak.

Premier Sarawak, Datuk Patinggi Tan Sri Abang Johari Tun Openg madah, ungkup projek nya ti keterubah diatur ba selampur Borneo, sempekat entara Malaysia, Indonesia enggau Brunei meseti digaga.

“Diatu Malaysia agi bejalaika tungkap ba baruh Unit Perambu Ekonomi (EPU), sida deka berandau entara perintah enggau perintah (G2G) nyengkaum Indonesia enggau Brunei bekaul pekara tu dikena ngulih jaku pemutus ngemansangka Kerita Api Borneo.

“Taja pia, naka ti ditemu aku, pekara ti diperambu serikat peribit ba Brunei nya nadai besangkut paut enggau perintah ditu (Sarawak),” ku iya.

Abang Johari bejaku munyi nya lebuh dirandau pemberita rambau program Rona Warni Aidilfitri X Travaganza ba Juma’ani Pavilion ditu, sehari tu.

Ungkup penerang, sebuah serikat bepalan ba Brunei, Brunergy Utama Sdn Bhd madahka sida deka ngaga projek rentayan kerita api laju Trans Borneo Railway.

Baca lain  2,723 kes positif baru ba Sarawak

Sebengkah penerang madahka, rentayan kerita api laju keterubah ba Borneo nya dikeandal deka ngemandakka timpuh pejalai entara Kalimantan, Sarawak, Sabah enggau Brunei.

Ku penerang nya, projek nya deka digaga nengah dua renggat ngaul jalai 1,620 kilometer penyauh.

NOTIS TENDER

BERITA LAIN

Sarawak ngembuan mayuh produk dagang temuai

KUCHING: Sarawak sekali agi negapka penuduk nyadi palan program dagang besai ba Eksibisyen Worldwide ungkup Dagang Temuai Insentif, Aum enggau Program (IMEX) Frankfurt ba Jerman

Komiti khas ditumbuh munas penyeranta

KUCHING: Kaban Komiti Khas deka ditumbuh ngambi mantu munas penyeranta ba selampur bagi menua di Sarawak. Menteri Pemansang Indu, Nembiak Mit enggau Pengintu Pengelantang Komuniti,

BERITA TERBARU

Thailand perlu pertimbang pindahkan ibu negara

BANGKOK: Thailand mungkin perlu mempertimbangkan untuk memindahkan ibu negaranya, Bangkok kerana paras air laut yang semakin meningkat, kata seorang pegawai kanan di pejabat perubahan iklim

Eksport produk kayu menurun

KUCHING: Prestasi nilai eksport produk perkayuan Sarawak merekodkan penurunan sebanyak sembilan peratus dengan sebanyak RM682 juta berbanding RM752 juta untuk tempoh sama tahun lalu. Timbalan Premier Datuk Amar Awang Tengah Ali