Randau Kanun Tanah: Pelasar manah nerang inisiatif perintah

LUNDU: Randau Kanun Tanah beguna amat dikena meri penerang ngagai komuniti renggat baruh pasal inisiatif baru nyukat kelingi tanah Adat Bansa Asal (NCR) dipejalai Perintah Sarawak nengah Opis Tanah Enggau Survey (JTS).

Adun Tanjong Datu, Datuk Amar Jamilah Anu madah, nengah randau tub ala pengar ari Opis Luyar Besai Sarawak enggau JTS Sarawak ulih nerang pasal ubah ba Kanun Tanah Negeri (2018).

Ku iya, nemu pasal hak tanah komuniti ba renggat pelilih beguna amat kelebih agi ngaul pekara Pemakai Menoa enggau Pulau Galau tauka dikumbai ‘Native Territorial Domain ‘(NTD) enggau tanah NCR.

“Bala ketuai raban bansa enda tau enda meretika pekara tu ngambi sida nyamai agi nerang pasal inisiatif nyukat tanah NCR enggau NTD tu ngagai raban diselinting.

“Pekara tu beguna amat nentuka rayat renggat baruh enda mudah mendingka jaku sekeda piak ti sengaja melit penerang pasal inisiatif dipejalai Perintah Sarawak nya,” ku iya.

Iya mansutka jaku nya lebuh bejadika Randau Kanun Tanah (Ubah) 2018 ba Dewan Mahligai Gading, Lundu, tadi.