Trending

Rayat diperansang ngaul sektor nanam padi

Facebook
Twitter
WhatsApp
Telegram
E-mel

KUCHING: Peratus rayat ba menua tu ti ngaul sektor nanam padi agi baruh iya nya semina manggai 38 peratus aja.

Menteri Industri Pemakai, Komoditi enggau Pemansang Wilayah Sarawak, Datuk Seri Dr Stephen Rundi Utom madah, laluh ari peratus nya, semua penatai berau ungkup menua tu endang diimport ari menua luar.

“Orang rumah panjai kemaya hari tu tebal agi betanamka sawit laban sawit ngembuan rintai bekal guna enggau pengeluar ti meruan.

“Uji kitai berunding enti menua Thailand enggau Vietnam badu agi nyual berau dudi hari, kitai deka makai nama?” ku iya.

Rundi mansutka jaku nya rambau program Ngabang Gawai WaiFM Radio Televisyen Malaysia (RTM) Kuching nengah kerejasama Opis Betanam Betupi Sarawak sereta Gerempung Bansa Dayak Sarawak (SDNU) ba palan entepan entukar RTM Kuching ditu, malam kemari.

Ku iya, pekara nya patut dikerembai enggau dikunsi ngagai mensia mayuh ngambi mayuh agi rayat sedar senentang guna ngemansangka sektor nanam padi nyadi dagang komersial.

“Kerejasama semua raban nyengkaum semua ejensi, opis perintah enggau opis menteri beguna amat dikena kitai ngenataika pesan tu ngagai rayat.

“Kelimpah ari nya, kitai beguna sukung ari Opis Betanam Betupi Sarawak ba pengawa nyendia latih, meri penemu enggau penerang ngagai raban orang bumai ngambi pengawa tu ulih digaga meruan.

“Pia mega, kitai beguna kerejasama ari opis pengerembai berita baka RTM, WaiFM enggau media rama dikena meri penerang ti patut ditemu rayat kelebih agi bansa teknologi moden ti dikena orang ba sektor tu,” ku iya.

Tandu Rundi, rayat patut diajar ngambi ulih nempa pengawa nanam padi nya nyadi duit tauka Return on Investment (ROI).

Ku iya, pengawa ngubah runding rayat ukai semina bepanggai ba tanggungpengawa opis menteri iya aja tang meseti nerima kerejasama ari semua orang.

Suka artikel:

e-Akhbar Suara Sarawak

Berita Berkaitan

E-Paper

22 September 2023

Berita Terbaru