Rayat patut nemu milih entara ‘intan enggau kacha’

ASAJAYA: Rayat Kampung Sambir dikearap ulih berunding enggau manah milih entara ‘intan enggau kacha’ nyerumba Pengawa Bepilih Besai Nengeri (PRN) ti deka datai ila.

Kepala Menteri Datuk Patinggi Abang Johari Tun Openg madahka pekara pemadu beguna ngagai Sarawak maya diatu iya nya beserakup.

“Lebuh datai maya ila, mayuh orang deka ngelawa kita laban PRN majak semak.

“Maya nya aku pechaya kita ulih milih enggau manah entara intan tauka kacha,” ku iya.

Iya bejaku munyi nya rambau bejadika SPK Kampung Sambir ditu, kemari.

Ku Abang Johari, pekara tu (PRN) deka diserah ke iya aja ngagai Petara laban iya nemu mensia mayuh ulih berunding enggau manah nama ti mai pemaik ngagai semua orang.

Nangkan nya, Abang Johari mega bisi ngemendarka peminta Menteri Dagang Temuai, Seni enggau Main Asal ke mega Adun Asajaya Datuk Abdul Karim Rahman Hamzah ti minta lot tanah SPK Kampung Sambir mungkur sebuah tanah pendam laban pendam Kampung Sambir nyau majak sekut.

Pia mega, iya ngemendarka sebuah tanah puang ba Kampung Tembirat digaga nyadi sebuah padang main bol laban kampung nya bedau bisi padang main bol.

RUMAH CHUNTO…Pelin rumah Skim Nangkir Kampung Sambir, Asajaya, Samarahan. -Gambar Ghazali Bujang
SKIM SPK MODEN…Entara perengka infrastruktur ke deka digaga Perintah Nengeri di Skim Nangkir Kampung Sambir, Asajaya, Samarahan. -Gambar Ghazali Bujang
SKIM SPK MODEN…Entara perengka infrastruktur ke deka digaga Perintah Nengeri di Skim Nangkir Kampung Sambir, Asajaya, Samarahan. -Gambar Ghazali Bujang
SKIM SPK MODEN…Entara perengka infrastruktur ke deka digaga Perintah Nengeri di Skim Nangkir Kampung Sambir, Asajaya, Samarahan. -Gambar Ghazali Bujang

Suara Sarawak