ARTIKEL

Rayat Puncak Borneo diperansang betanam betupi moden

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

PUNCAK BORNEO: Pengawa betanam betupi bekenaka teknologi moden bisi pengulih besai lalu ulih mai komuniti ngesaika diri ari perekuh penyeranta.

Nya alai Sapit Menteri Pengawa Bekebun enggau Komoditi, Datuk Willie Mongin keran amat meransang peranak dia ngaul diri ba pengawa betanam betupi komersial.

Ku penemu iya, pemisi teknologi moden udah ngemuntangka pengawa raban orang bumai ti ngemeranka pengawa betanam betupi lalu peluang patut direbut raban diselinting.

“Bemacham pengawa betanam betupi enggau ladang komoditi komersial diperambu ungkup pengelantang enggau penyungkak ekonomi rayat ditu.

“Ambika chunto ba projek ladang Chabi Fertigasyen Puncak Borneo diempu unggal Toking tu dipun tiga bulan ke udah lalu mansutka asil chukup manah,” ku iya.

Willie ke mega Kaban Parlimen Puncak Borneo mansutka jaku nya lebuh limpang ngabas Ladang Chabi Fertigasyen Puncak Borneo di Kampung Karu, kemari.

BERITA LAIN

BERITA TERBARU