Rega mar nadai dikira, kena mantup tetenguk

KUCHING: Rega rian ti mar nya ukai nyadi penanggul ngagai sida ti deka makai rian dikena mantupka penenguk makai buah ke bemusin nya.

Mariam Amit, 57 taun ari Bandar Baru Samariang madahka iya ninting taun deka meli buah nya semak Palan Bebelika Barang Emart Matang laban mayuh pedagang dia nyual buah ti bekualiti enggau rega ke patut.

“Rega rian taun tu jauh mar ari taun ke udah, engka sida tusah ngiga buah tu.

“Tang kami duai melaki bini enda ngira berapa rega tu laban deka mantupka tenguk makai buah rian tu,” ku iya lebuh dirandau Suara Sarawak

MANTUPKA TENGUK… Mariam enggau laki iya, Yakub Salleh meli buah rian semak Emart Matang.