MIRI: Industri sawit majak tegap udah rega Minyak Sawit Mata (CPO) Malaysia niki RM3,180 setan.

Chairman Bod Pemegai Taruh Majlis Setipikit Minyak Sawit Malaysia (MPOCC), Muhtar Suhaili madahka rega nya niki ketegal peminta tinggi ari India enggau China.

“Rega CPO niki manggai rega pemadu tinggi ninting hari iya nya RM3,180 setan kenyau ari Februari 2017 dibanding RM3,111 setan dalam taun 2018 enggau 2019.

“Tu berita manah ngagai pemain industri nyengkaum pekebun mit laban ukai semina rega CPO aja niki, tang rega Buah Tandan Idup (BTS) mega niki manggai RM600 setan,” ku iya lebuh dirandau kemari.

Muhtar Suhaili andal rega tu dipelaba tan lama asil ari inisiatif perintah nentuka industri sawit majak tegap enggau ulih besemekih ba makit dunya.