Renggat keterubah BPR berengkah dibayar sehari tu

KUALA LUMPUR: Sepenyampau 8.45 juta penerima Bantu Prihatin Rakyat (BPR) deka nerima bayar renggat keterubah berengkah sehari tu.

Menteri Wang Tengku Datuk Seri Zafrul Tengku Abdul Aziz madahka pengawa ngagihka bantu nya dipejalai chara berenggat nengah agih belanja RM1.93 bilion.

Ku iya, 4.4 juta penerima kategori tuai bilik deka nerima RM300 enggau 4.05 juta kategori bujang deka nerima RM150 siku.

“Ungkup kategori tuai bilik enggau bujang, bayar nya terus dipasuk dalam akaun bank berengkah kemari seraya bayar disua nengah Bank Simpanan Nasional (BSN) ungkup sida ke nadai akaun bank deka berengkah dipejalai pagila.

“Penerima bantu di Sabah enggau Sarawak ke nadai akaun bank deka nerima bantu nya berengkah 1 March nyentuk 1 April.

“Bank endur ngambi duit nya deka dipadah dudi, sama enggau bayar Bantu Prihatin Nasional (BPN 2.0),” ku iya nerang.

Suara Sarawak