Rh Julau nerima bantu RM24, 000

SELANGAU: Kaban Kunsil Nengeri (Adun) Tamin Ir Christopher Gira Sambang udah nyuaka bantu ngagai peranak Rumah Julau Muli di Pasai Siong Ulu, kemari.

Bantu ramu beungkus RM24,000 nya dikena nyaup peranak rumah panjai ngaga ensarau alai diau sebedau ngentak baru.

Bantu tu disuaka pengari ari Palan Servis DUN Tamin ngagai peranak rumah panjai nya.

Gira mega udah datai ngabas kia sepengudah nerima berita ti nuntung lebih 100 iku peranak Rumah Julau nya.

Ba penusah ke nyadi pukul 10.52 pagi nya, 12 pintu ari 13 pintu rumah panjai nya angus.

Taja pia, nadai penusah bakal enggau bebadi diripotka nyadi.

Bela datai nyuaka bantu ari Gira tu iya nya Sekretari Politik Romeo Christopher Tegong, Residen Sibu Charles Siaw enggau Pemesai Opis pelilih Sibu Suhaili Mohamed.