Rh Luyoh enggau Rh Unjan di Nanga Lungo, Julau PKPD

KUCHING: Komiti Penyangga Penusah Nengeri (JPBN) sehari tu ngaga pemutus ngerah Atur Mindah Betagang Diteritka (PKPD) dipejalaika ba dua buah rumah panjai di Julau.

Dua buah rumah panjai tu iya nya Rumah Luyoh, Nanga Lango, Julau enggau Rumah Unjan, Nanga Lungo, Julau ti deka bejalaika PKPD berengkah 7 Mei nyentuk 20 Mei tu ila.

Kelimpah ari nya, JPBN mega ngaga pemutus ngelanjarka PKPD di dua agi rumah panjai iya nya Rumah Mut, Nanga Maong, Sungai Mujok, Julau (10 nyentuk 16 Mei) enggau Rumah Empeni Budom, Lubok Putan, Bintangor, Meradong (10 nyentuk 23 Mei).

Bekaul pekara bukai, JPBN ngenukuka PKPD di empat buah palan diketuka laban peresa kedua ngagai palan tu nadai tetemuka kes postif Covid-19 ti baru.

Empat buah palan tu iya nya Kampung Sileng Dayak, Lundu, Kampung Rayang, Serian, Kampung Darul Falah, Sungai Gemuan, Bintangor enggau Rumah Juni Ulu Pedanum, Pakan.

Mensia mayuh dipinta bejimat sereta nyaga diri nagang pengerekai penyakit Covid-19 baka nyaga takah, ngena sengkabung mua sereta seruran nuchi jari.

Suara Sarawak