Richard nyadi direktor baru Unifor

KUCHING: Pangku pengawa nyadi direktor Unit Pengarap Bukai (Unifor) diatu dipegai Richard Lon.

Richard Lon, 50, dipadu mangku penuduk nya nukar Datu Dr Ngenang Janggu.

Atur besilih pengawa antara Richard enggau Dr Ngenang dikemataka Sapit Kepala Menteri Datuk Amar Douglas Uggah Embas di Wisma Bapa Malaysia, kemari.

Uggah ti mega menteri nguasa Unifor ke ditumbuh bulan April 2017 bejalaika tanggupengawa nyaup semua bansa pengarap ukai Islam di nengeri tu.

Unit nya ditumbuhka bepun ari penemu ex-Kepala Menteri Tan Sri Adenan Satem lalu diatu mengkang disukung Datuk Patinggi Abang Abdul Rahman Johari Tun Openg.

Sarawak negeri keterubah numbuhka unit nya iya ke lebih agi ngembuan tuju nyaup pengarap bukai nyengkaum ngaduka pemansang infrastruktur palan sembiayang.

Kelimpah ari ntmya, unit nya bela nyaup ngiga palan ngaga baru begunan sereta pendam baru.

Ba taun tu, Abang Johari mega ngungkupka belanja RM50 juta ngagai UNIFOR.