Rinwood Pelita nyua pemeri RM100, 000

MUKAH: Komiti Penyangga Penusah Ngenyit (JPBN) Bagi Menua Mukah bisi nerima pemeri RM100,000 ari Rinwood Pelita (Mukah) Plantation Sdn. Bhd, ditu apin lama ke udah.

Tuju pemeri tu dikena mantu peranak ba Mukah ti dituntung penusah ketegal pandemik Covid-19 tu.

Pengawa nyuaka pemeri nya dipenyadi Menijar Besai Estet, Rinwood Pelita Plantation Mukah Sdn. Bhd, Yong Khing Kwong ngagai Residen Bagi Menua Mukah, Hamdiah Bakir.

Hamdiah ti mega Chairperson JPBN Mukah meri besai terima kasih ngagai piak Rinwood Pelita Plantation laban udah nyuaka pemeri nya.

Iya madahsekeda orang ngatika diri enggau serikat bukai baka Sarawak Energy Berhad (SEB) mega udah nyuaka pemeri terus ngagai penerima.

Terang iya, Komiti Penyangga Penusah Ngenyit Bagi Menua Mukah deka ngatur belanja nya enggau nyuaka pemeri nya ngagai raban diselinting ti napi penusah maya Atur Tagang Pejalai (PKP).