RM1 bilion ngerumban pemansang infrastruktur penyambung

KUCHING: Perintah Sarawak nagit nengeri tu deka ngembuan tiang pemanchar arus penyambung enggau fibre optik manggai taun 2023 ngagai 2025.

Kepala Menteri Datuk Patinggi Abang Johari Tun Openg madahka belanja penyampau RM1 bilion diberi ngagai Kaunsil Multimedia Sarawak (SMA) dikena nyapai tagit nya.

“Pengawa tu endang dipeda pedis dipejalai laban pemesai nengeri kitai tang tu ulih dipejalai.

“Kami deka nirika tiang pemanchar enggau fibre optik ungkup infrastruktur penyambung laban enti ngena satelit begunaka ungkus besai,” ku iya.

Abang Johari madah munyi nya ba randau nengah webinar pasal Post Covid-19: Sarawak The New Normal diatur Kaunsil Produktiviti Malaysia (MPC) tadi.