ARTIKEL

BERANDAU… Len Talif (kanan) rambau nemuai ke Kinyau ngulu Porgram Kembara Ramadan 2024 ditu, kemari.

RM100 juta ngaga jalai dikena nyambung Bukit Kinyau enggau Sarikei

Facebook
Twitter
LinkedIn
WhatsApp
Telegram

SARIKEI: Pengawa bejalaika projek ngaga jalai alun baru 17 kilometer pemanjai ti nyambung Bukit Kinyau enggau Sarikei beungkus lebih RM100 juta.

Sapit Menteri Perambu Mengeri, Pemansang Tanah enggau Rampa Menua, Datuk Len Talif Salleh madahka Opis Menteri Pemansang Menua Pesisir enggau Wilayah (KKDW) udah ngemendar agih belanja RM80 juta.

Iya madah, Perintah Sarawak nengah Ejensi Pemansang Delta Rajang (RADDA) mega udah ngemendar agih belanja RM30 juta ungkup projek nya.

Projek nya, ku iya, sebagi ari inisiatif perintah ba pengawa nyendia infrastruktur menyana kelebih agi ungkup peranak ti bedau bisi sambung jalai alun ba sitak DUN nya.

“Pemansang ba projek nya meri pengandal ati baru ngagai peranak Kinyau ti semina bepanggai ba perengka pengangkut sungai.

“Aku ngarap pengawa bejalaika projek tu ulih dirumban laban jalai alun endang udah lama dianti peranak Kinyau,” ku iya rambau dirandau pemberita kemari.

Ngelansa silik, iya madah, Bukit Kinyau suba chukup tebilang nyadi pemansut papan lapis berebak ari pengawa numbuhka sebuah kilang papan ba sitak nya.

Ku iya, Bukit Kinyau ti dipelaba udah bisi berengkah ari pun taun 1950-an udah mansang nyadi sebuah genturung pendiau tetap sereta ngasaika buah pemansang ti dibai perintah.

“Enti ari sukut bukai, sitak tu ngembuan pengulih nyadi sektor eko-dagang temuai.

“Aku andal juluk tu ulih dikeamat lebuh sitak tu disikap ngena infrastruktur jalai alun dudi hari,” ku Kaban Kunsil Nengeri (ADUN) Kuala Rajang nya.

Iya mega nyemetak madah, inisiatif perintah ukai semina deka ngubah landskap pemansang Kuala Rajang tang ngangkatka pengulih sitak nya nyadi pemansul asil berikan enggau betanam betupi.

BERITA LAIN

BERITA TERBARU