KUCHING: Komiti Besai Koperasyen Malaysia (SKM) nyendia agih belanja RM100 juta ungkup koperasyen nyengkaum ba Sarawak dikena ngemansang industri agro pemakai ba Malaysia.
Menteri Pemansang Pedagang enggau Koperasyen, Datuk Ewon Benedick madah, pekara nya dikena mantu nambah peratus jamin pengelikun pemakai menua.
“Kebuah pia laban bekal pemakai tu sebengkah produk ti ulih meri peluang ngagai pengatur koperasyen ba menua tu kelebih agi ba menua ulu ti mungkur bala pekebun,” ku iya.
Ewon mansutka jaku nya rambau Program Nutup Aum Negap Ekonomi Koperasyen Ba Sektor Betanam Betupi enggau Industri Pengawa Bumai ba Hotel Imperial, ditu tadi.
Iya ngarap Sarawak ulih nempa kerejasama strategik nengah siti komiti begulai betuai ke opis menteri nya ti ngaul koperasyen betanam betupi enggau pengawa bumai.
Ku iya, pekara nya dikena ngemuntang pengawa nyeraris sektor nya nyadi pengatur koperasyen ngambi bekal pemakai seruran chukup.
