ARTIKEL

TAU DIPERATI… Gaya atur peminta ngagai bala indu dara ke deka enggau berebutka gelar Kumang Gawai Betong 2024.

RM10,000 nganti Kumang Gawai Betong 2024

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

BETONG: Pekit Kumang Bagi Menua Betong 2024 nesau bala indu dara bansa Dayak selampur menua Malaysia ke beumur 18 taun enggau tuai agi ngerebut perais ke chukup besai.

Pengari Komiti Pengatur Pekit, Nicholas J Ugik, madah ke pekit sekali tu endang nerima pemekit peranak Malaysia ti ukai semina ungkup bagi menua nya aja.

Ku iya, perais mata duit RM10,000 nganti indu dara bajik ke bulih gelar Kumang, RM8,000 ungkup Lulong engggau RM6,000 ngagai Selinggar Matahari.

Nambah ke nya, lima pemekit renggat kepenudi pekit mega deka nerima perais sagu ati penyampau RM1,500 siku kelimpah ari perais RM1,500 ungkup Ngepan Pemadu Manah.

“Haribulan kepenudi rejister ngagai bala ke bisi ati enggau bepekit ditetapka 3 Mei 2024, pukul 5 lemai.

“Pekit tu diatur serimbai Karnival Gawai Renggat Betong 2024 bepalan ba Kompleks Opis Perintah Nengeri Sarawak Betong.

“Seraya renggat kepenudi pekit deka diatur ba Dewan Tan Sri Datuk Amar Stephen Kalong Ningkan kena 18 Mei, pukul 7 lemai.

Baca lain  Kemansang tanah ungkup pemujur diri

“Nya alai, anang betangguh enggaika kita laun tauka enda ampit peluang ngerebut gelar Kumang Gawai Betong 2024,” ku iya meri jaku peransang.

Nicholas madah baru, baka taun-taun ke udah, pekit tu endang diatur lalu dipejalaika enggau naka pengulih enggau pengelikun ngambi pengawa tu ulih bejalai enggau mujur.

Ungkup penerang tauka tanya silik tau telefon ngagai Gary Tindi Guang ba lumur 0109325360, Liana Jeman (01119777102), Alice Katum (0198388375) enggau Cleopatra Nanang (0128840526).

PERAIS BESAI… Penerang pasal perais ke deka diempu bala indu dara ti ngambi bagi ba Pekit Kumang Gawai Betong 2024.

NOTIS TENDER

BERITA LAIN

Lagu Telai Belalai mantai penyelai Sarawak

KUCHING: Ex-Mrs Global Asian 2023 ti mega siku ex-pegawai bank, Kimi Tomas mujur ngeluar enggau ngelancharka lagu baru iya ti pejuluk Telai Belalai. Dulu agi

Ngapung Laluh Aku terus trending

PAMA utai disebut laluh, nemu-nemu aja meh kitai reti utai nya lalu ba jaku bukai laluh tu suah dikumbai kitai teda. Enti ba sukut pemakai,

Sarawak ngembuan mayuh produk dagang temuai

KUCHING: Sarawak sekali agi negapka penuduk nyadi palan program dagang besai ba Eksibisyen Worldwide ungkup Dagang Temuai Insentif, Aum enggau Program (IMEX) Frankfurt ba Jerman

BERITA TERBARU