ARTIKEL

RM100,000 ngemansang pelajar

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

SARIKEI: Sapit Menteri Pengeraja Asal, Rampa Menua enggau Ubah Klimet, Datuk Seri Huang Tiong Sii ngagihka belanja Projek Mit Pemansang Menua Pesisir (MRP) RM100,000 ngagai Sekula Sekondari (SMK) Tinggi Sarikei.

Agih belanja nya disua iya rambau Program Makai Lemai beserimbai enggau Pengawa Ngintu Genap Taun SMK Tinggi Sarikei ke-85, empai lama.

Ku Tiong Sii, agih belanja nya sebagi ari pangku pengawa iya dikena ngemansangka tikas pengulih akademik enggau kokurikulum nembiak ba sitak nya.

“Aku ngarap agih belanja tu ulih mantu raban sekula bejalaika aktiviti sida kelebih agi bekaul pengawa ngemadaska agi program penyulut nembiak.

“Pia mega, inisiatif dikena mantu raban nembiak ti datai ari ruang bilik kurang penatai pemisi deka ditampung baka selama,” ku iya.

Kaban Parlimen Sarikei nya madah, nembiak nyulut ba sitak nya deka diberi inisiatif dikena meransang sida ngambi ransing agi nempa pemujur ba pelajar.

Ku iya, pengawa meri insentif nya ulih meransang sida ngetanka penyulut dudi hari.

“Aku besampi ngambi semua nembiak SMK Tinggi Sarikei sereta ba selampur sitak Sarikei ulih besemekih enggau mujur ba semua pengawa,” ku iya.

Iya ngelalau nembiak ti enda mujur ba pelajar ngambi seruran liat ati laban pekara nya ukai pengujung pengidup sida tang angkat meh nampung agenda pengidup ti majak mar kemaya hari tu.

“Tabi puji ngagai SMK Tinggi Sarikei laban mujur ngetanka penyulut sida.

Aku pechaya sukung enggau insentif tu deka narak semangat enggau nyadi peransang ngagai raban sekula,” ku iya.

Sama datai Adun Meradong, Datuk Ding Kuong Hiing.

BERITA LAIN

Sibu tuai rumah Sarawak Agrofest 2025

BINTULU: Sibu udah dipilih nyadi tuai rumah Sarawak Agrofest ba taun baru. Menteri Industri Pemakai, Komoditi enggau Pemansang Wilayah Sarawak, Datuk Sri Dr. Stephen Rundi

88 chalun STPM Sarawak bullh PNGK 4.0

INDUN SILONGsuarasarawak.sv@gmail.com KUCHING: Nengeri Sarawak ngerikod Purata Nilai Gred (PNGK) pemutus peresa Sijil Tinggi Persekolahan Malaysia (STPM) 2023 penyampau 2.69 enti dibanding PNGK STPM 2022

BERITA TERBARU