RM16 juta ke pengelantang nembiak mit

SARIKEI: Perintah Sarawak ngemendarka agih belanja penyampau RM16 juta Geran Ninting Taun Khas (GTK) ungkup semua institusyen nambiak mit ti direjista.

Menteri Pengintu Pengelantang Pendiau, Komuniti, Indu, Ruang Bilik enggau Pemansang Anak Mit Datuk Seri Fatimah Abdullah madahka agih belanja nya deka meri pemaik ngagai 3, 035 buah palan nyeridi nembiak mit ti rejista di selampur Sarawak.

Naka 27 Ogos ku iya, penyampau 2,771 tauka 91.3 peratus peminta udah diterima.

“Sepenyampau 1,531 peminta udah rejista tumu agi ke alai diatu benung nerima bayar IPAKK enggau semua penyampau manggai RM7,66,000.

“Pengawa tu nyadi tanggungpengawa rama perintah dikena ngangkatka tikas penyulut pelajar ngagai rebak biak berengkah ari renggat pra sekula,” ku iya.

Fatimah mansutka jaku tu rambau Pengerami Ngintu Hari Kebangsaan Renggat Nengeri ditu, tadi.

Fatimah Abdullah

Suara Sarawak