RM25,000 nyaup Rh Enjawan nyungkur taba berumah baru

SARATOK: Sepenyampau RM25,000 udah diagihka pengawa nyungkur taba rumah panjai baru Rumah Enjawan Aji ba Krangan Rusa Ulu ditu.
Sapit Menteri Pengeluar Kuasa enggau Pengeraja Asal ke mega Kaban Parlimen Saratok, Ali Biju madahka agih belanja nya dikena nyaup sida Enjawan serumah ngentak rumah panjai baru.
Ku iya, pengawa berumah baru tu ukai muntang dikereja lebih agi enti enda chukup sedia laban begunaka besai belanja, awak enggau tulang ke gawa.
“Sida tu serumah bisi 16 pintu bilik betampung ke diau beserakup ba rumah panjai ke dientak lebih 70 taun ke udah.
“Munyika dipadah ngagai aku sebedau tu, sida serumah diatu ngasaika diri udah umbas endur ngaduka pendiau enggau bilik penaik ke likun enggau lantang agi.
“Aruh endur aku ke nyadi pengari rayat nyaup sida ari sukut belanja nirika genturung pendiau ke meruan pulaika pengelantang enggau pemaik semua,” ku iya.
Jaku Ali nya dikenataika pengari iya, Walter Changgai rambau pejalai ngabas enggau nyuaka chek Projek Mit Pemansang Menua Pesisir (MRP) di rumah panjai nya, apin lama ke udah.
Iya ke mega Adun Krian madah, udah tembu taba rumah disungkur ila lalu dientudika pengawa ngentak enggau belabuh begagaka rumah enti kereban enggau ramu udah sedia.
Berita penuh Ruai 3 pagila.

Suara Sarawak