ARTIKEL

NYAGA PESAKA BUDAYA… Penatai Sagah enggau bala bukai disambut enggau penuh adat basa raban bansa Bidayuh.

RM3 Juta ngangkatka Hot Spring Kpg Panchor

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

SIBURAN: Ejensi Penyeraris Pemansang Greater Kuching (GKCDA) deka ngagihka belanja khas RM3 juta dikena ngemansangka Hot Spring Kampung Panchor.

Menteri Pelajar, Inovasyen enggau Pemansang Penau Sarawak, Datuk Sri Roland Sagah Wee Inn madah, agih belanja nya dikena nyeleti enggau nambahka fasiliti ke bisi ba endur pegung ai angat nya.

“Aku deka madah ke hot spring tu udah meri asil urung RM200,000 dalam setaun lalu penatai pemisi tu udah diagih ngagai genap ruang bilik ba Kampung Panchor.

“Nya alai aku deka meda mayuh agi projek ulih nambahka penatai pemisi rayat sereta ngangkatka ekonomi peranak ditu lalu ukai projek ‘tampak rita’ aja,” ku iya.

Sagah bejaku munyi nya lebuh Pengawa Bejadika Bilik Ngatur Pengawa Komiti Pemansang enggau Pengelikun Genturung Pendiau (JKKK) Kampung Panchor Dayak ditu empai lama.

Ngenang pekara bukai Kaban Kunsil Nengeri (ADUN) Tarat nya madah, iya deka meda apai indai enggau bala anak meri perati ngagai pekara Sains, Teknologi, Injiniring enggau Matematik (STEM).

“Kitai benung nuju teknologi gadung enggau ekonomi gadung ke begunaka anak Sarawak landik dalam pekara sains enggau teknologi,” terang.

Berebak enggau nya, Sagah mega bisi nyuaka chek RM30,000 ngagai Kelab Tuai Raban Bansa enggau Tuai Komuniti (KMKK) Tarat enggau chek penyampau RM40,000 ngagai Komiti Pelajar Tarat.

Iya mega udah dipebasa nyuaka setitpikit nampung baru pengawa ngagai 10 KMKK enggau dua setipikit nyiri baru Sekretari Kampung sitak Tarat.

BERITA LAIN

Dua pendam lama di Song disengkubang

SONG: Dua pendam Iban ditu udah disengkubang orang nadai tanggungpengawa ba penusah diripot nyadi kena 20 enggau 22 Mei tu tadi. Tuai Polis Pelilih Song,

Kaul komuniti Dayak meruan teguh

LUNDU: Penyerakup komuniti Dayak diatu chukup teguh taja ari bemacham raban etnik, ku Sapit Premier, Datuk Amar Douglas Uggah Embas. Iya ti temegah beratika pekara

BERITA TERBARU