KAPIT: Bajet Sarawak 2020 dikearap ulih meri pengelantang ngagai semua rayat menua tu.
Kaban Parlimen Hulu Rajang, Datuk Wilson Ugak Kumbong madahka tu lebuh ditanya pemberita bekaul enggau Bajet Sarawak 2020 ke baru dibantai Menteri Wang enggau Pengatur Ekonomi Abang Johari Tun Openg ba Aum Dun, kemari.
Ku iya, Perintah Sarawak naka ulih mutarka penangul ditapi rayat kelebih agi sida ke udah nginjau PTPTN bekenaka agih belanja sepenyampau RM30 juta.
Tu ulih ngelempung ke tating apai indai ke bisi anak minjau wang turu nya kelebih agi sida ti apin bisi batang pengawa ke entap.
Ugak madah, Perintah Besai enda ngamatka semaya ba manisfesto pengawa bepilih tu tadi ke deka nyaup mutarka penanggul nya.
