ARTIKEL

RM40 juta agih dikena nyukat NCR

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

PAKAN: Perintah Sarawak nyendiaka agih belanja tambah RM40 juta dikena ngemujur pengawa nyukat tanah Adat Bansa Asal (NCR) ba menua tu.

Sapit Kepala Menteri, Datuk Amar Awang Tengah Ali Hasan madah, inisiatif nya nyengkaum nambahka penyampau tubuh staf ti gawa ba unit nyukat di Opis Tanah enggau Survei.

Ku Awang Tengah, inisiatif nyukat tanah nya nunjukka Perintah Sarawak keran bejalaika pekara tu berenggat lebuh ngaku enggau ngetanka hak tanah sida enti nya amat tanah sida nitihka undang-undang.

“Kami disadang nambahka lebih 400 pemesai ba Opis Tanah enggau Survei enggau mayuh sida deka diambi gawa nyadi raban penyukat tanah.

“Inisiatif baru perintah tu disadang ngena belanja 30 juta setaun,” ku Awang Tengah.

Iya mansutka jaku nya ngagai pemberita pengudah ngulu Pengawa Nyuaka Pala Tanah Seksyen 18, Kanun Tanah Negeri Bagi Menua Sarikei di Dewan Masyarakat Pakan, ditu ensanus.

Lebuh bejaku, iya madah pengawa nyukat tanah NCR tu dipejalai kenyau ari taun 1960-an nengah program baka Operasyen Ngadu, Nyukat Tanah Bagi III Kanun Tanah Negeri enggau Nyukat Tanah Genturung Pendiau Asal.

Taja pia ku iya, chara nya enda engkeman ba timpuh urung 50 taun 91960-2010), semina mujur nyukat 260,000 hektar tauka 642,460 ikar tanah NCR tauka chara pupu rata, semina 5,200 hektar tanah NCR ulih disukat setaun.

“Beduduk ari nya, Perintah udah bejalaika Program Nyukat Tanah NCR Inisiatif Baru ba taun 2010. Program tu dipejalai ba dua renggat iya nya keterubah, nyukat perimeter tanah enggau digazet di baruh Seksyen 6 Kanun Tanah Negeri sebagai Rizab Komunal Bumiputera (Betanam Betupi).

“Kedua, nyukat lot ngatika diri enggau ngeluarka pala tanah di baruh Seksyen 18 Kanun Tanah Negeri.

“Naka diatu, kami mujur nyukat perimeter pemesai urung 939,877 hektar tauka 2.3 juta ikar tanah. Ari penyampau nya, 753,456 hektar tauka 1.8 juta ikar tanah udah digazet,” terang iya.

Ku iya, pengawa nyukat nitihka peminta tanah NCR ti dikemendar enggau sida berandau dulu enggau pengempu tanah NCR sebedau nyukat ngambi meri penerang enggau timbal sebedau nyukat tanah sida.

Nambahka nya ku iya, tanah nya semina disukat pengudah pengempu tanah nya setuju. Bagi kes ti agi dipechara ba kort, kami enggai nyukat tanah nya kelimpah kes nya udah diputar tauka kes nya ditarit pulai.
“Tang sida mesti nganjung peminta baru enti sema deka nyereta baru Program Nyukat Tanah NCR Inisiatif Baru.

“Ba renggat kedua, kami bejalaika pengawa nyukat tanah lot ngatika diri nitihka peminta ti dikemendar, sitak nya udah disukat chara perimeter, digazet di baruh Seksyen 6 Kanun Tanah Negeri lalu pengempu tanah NCR nya dekaka tanah sida disukat,” terang iya silik agi.

Nangkan nya ku iya, dikena nentuka pengawa nyukat tanah lot ngatika diri lanchar dipejalai, pengempu tanah NCR mesti meri kerejasama ngagai Opis Tanah enggau Survey Sarawak ngelala sitak tanah lebuh ngerintis tanah, nadai belayaka sitak tanah sereta ngulu pengawa nyukat tanah nya.

Naka diatu ku Awang Tengah, bisi 34,091 lot ngatika diri udah disukat ba tanah pemesai 42,265 hektar (104,436 ikar) ti udah enggau deka diberi surat pala tanah di baruh Seksyen 18 Kanun Tanah Negeri.

“Aku ngarapka bala penerima ulih nyaga tanah sida enggau ngena tanah nya pulaika pemanah sida empu enggau diri sebilik sereta ngetanka tanah ungkup rebak dudi,” tandu iya,

Ba pengawa nya, bisi 150 pala tanah udah disua ngagai 128 penerima ba Sitak Pakan-Sesco.

Sama datai Menteri Muda Infrastruktur enggau Pemansang Palan Penyangkai Kapal Sarawak, Datuk Julaihi Narawi, Menteri Muda Perambu Mengeri, Pengatur Tanah enggau Rampa Menua, Datuk Len Talif Salleh, Adun Pakan Tan Sri William Mawan Ikom, Penulung Direktor Opis Tanah enggau Survey Sarawak Unus Tambi, Residen Sarikei Felicia Tan Ya Hua, Pengempu Tanah enggau Survey Sarikei, Thian Choon Kui enggau Pemesai Pelilih Seroji Ludin.

BERITA LAIN

Nempa Sarawak nyadi tibang pemakai

TUSUN KETERUBAH MINAT Reynold anak Jacktola, 29, ti rindu agi dikangau Nol ba pengawa betanam betupi nya endang dikembuan iya ari mit laban iya datai

Tebing Sungai Saratok deka diseleti meruan

SARATOK: Perintah Sarawak deka nyeleti pengkalan ba seberai Pasar Saratok enggau jematan dikena ngelayang Sungai Paon. Kaban Kunsil Nengeri (ADUN) Kalaka, Mohamad Duri madah, sepenyampau

BERITA TERBARU

Ujian Hidup Bella Astillah

PELAKON Bella Astillah baru-baru ini meluahkan rasa kesal selepas perceraian keduanya dengan penyanyi Aliff Aziz. Perceraian ini berlaku di Mahkamah Rendah Syariah Wilayah Persekutuan, menjadi

Hayati falsafah korban

HARI ini 10 Zulhijah 1445 Hijrah, umat Islam menyambut Hari Raya Aidiladha atau Hari Raya Korban atau Hari Raya Haji. Ia sangat sinonim dengan ibadah