SARIKEI: Perintah Gempung Parti Sarawak (GPS) ngagihka RM440,000 dikena nyeleti Gerija St. Alban, di Taman Susur Jambu ditu.
Agih belanja tu diberi nengah Projek Transdformasyen Menua Pesisir (RTP) Adun Repok sepenyampau RM100,000, RTP Adun Kuala Rajang, Datu Len Talif Salleh (RM240,000) enggau RM100,000 ari Unit Pekara Pengarap Bukai (Unifor) 2018.
Pengawa nyuaka agih belanja nya udah dipenyadika Adun Repok, Dato’ Sri Huang Tiong Sii beserimbai enggau Pengerami Makai Lemai Gereja St Alban di Restoran Grand Empire Palace, malam tadi.
“Agih belanja tu diberi ngayanka penyiru Perintah Sarawak ti nadai bechiping ngatur pengawa sereta beratika peminta rayat nyengkaum pekara pengarap.
“Nya alai kitai patut ngenang budi enggau meri terima kasih ngagai Kepala Menteri Datuk Patinggi Abang Johari Tun Openg ti chukup sirukuka peminta rayat menua tu,” ku iya.
