RM5.12 juta segerit ditunu

MIRI: Opis Kastam DiRaja Malaysia (JKDM) Pampang Miri Sarawak nunu segerit dilalai berega RM5.12 juta nyengkaum chukai ba taba nunu uras, ditu tadi.

Direktor Kastam Sarawak, Dato’ Sharifah Halimah Tuanku Taha madah, segerit nya udah dirampas dalam taun 2015 lalu udah dikemendar ditunu ari Ketuai Direktor Kastam Malaysia.

“Sepenyampau 8,940,000 batang segerit berega RM 865,200 udah ditunu.

“Entara bansa segerit ditunu iya nya chap Era Premium, Era Menthol, Era Ice Plus, Era Full Flavor enggau Era Black Menthol,” terang iya, ditu tadi.

Berebak enggau nya, Halimah minta kerejasama mensia mayuh meri penerang bekaul sebarang aktiviti mai barang chara belalai baka segerit, ai bia, merechun enggau dadah.

Sida tau telefon ngagai Talian Bebas Tol Kastam 1- 800-88-8855, website aduan awam iya nya http://aduan.customs.gov.my tauka sebarang Opis Kastam ke semak sida ba menua tu.