ARTIKEL

Nanta (tengah) disempulang Jefferson (dua kiba) begambar ungkup kenang enggau bala bukai ba Rumah Jacob, Nanga Leon, Sungai Menuan.

RM60,000 ungkup peranak Rh Jacob

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KAPIT: Peranak Rumah Jacob berasai gaga nerima agih belanja sepenyampau RM60,000 dikena ngemanah sistem parit enggau pam ai ngambi bulih bekal ai beresi.

Nya berindik ari belanja ti diagih Menteri Kereja Raya ke mega Kaban Parlimen Kapit, Datuk Seri Alexander Nanta Linggi, begulai enggau Sapit Menteri ba Opis Premier Sarawak (Undang-Undang enggau Adat Bumiputera) ke mega Kaban Kunsil Nengeri (ADUN) Bukit Goram, Datuk Jefferson Jamit.

Ku Nanta, agih belanja nya beguna amat dikena nambah fasiliti diguna sereta meri pengelantang ngagai peranak rumah panjai nya.

“Chukup gaga meda peranak Rumah Jacob deka ngentak rumah panjai baru ngambi lantang agi.

“Kelimpah jalai alun ti manah, endur diau ti lantang mega beguna endar lalu patut diberi perati.

“Baka ba Rumah Jacob ti diuan 10 ruang bilik tu, peluang berumah panjai baru ti lantang agi endang jereki ngagai sida.

“Tambah mega, rumah panjai baru tu ukai semina meri pengelantang tang nyadi endur ngenduh ngagai tiga agi ruang bilik baru,” ku iya.

Iya mega udah ngagih bantu tuai bilik penyampau RM500 ungkup lebih 100 ruang bilik ari 12 rumah panjai ba sitak nya.

Nanta mansutka jaku nya ba Pengerami Mangkung Tiang Rumah Jacob, Nanga Leon, Sungai Menuan, ditu ensanus.

Ku iya, rumah panjai enggau komuniti Sarawak ukai pekara baru tang nyadi pekara ti dikemegah ari suba.

Kelebih agi ba Kapit, ku iya, agih tubah peranak diau ba rumah panjai di sepemanjai Sungai Rajang.

Bisi nya rumah panjai ti udah manggai beratus taun tang ku iya, sekeda rumah panjai udah didiri baru ngena gaya ti moden agi lalu agi ngetanka penteba nyelai rumah panjai berekat teknologi enggau pemansang infrastruktur.

Ba pejalai kia, Nanta madah nya peluang iya betemu enggau tuai rumah panjai ba sitak Sungai Menuan ngambi mendingka sada enggau peminta sida.

Ba pejalai nya mega, iya udah bekunsi aspirasyen Perintah Besai enggau Perintah Sarawak senentang pemesai guna terus idup lantang enggau beserakup dikena mantu perintah meri perati bejalaika bemacham inisiatif ngangkatka baru ekonomi menua.

BERITA LAIN

Dua pendam lama di Song disengkubang

SONG: Dua pendam Iban ditu udah disengkubang orang nadai tanggungpengawa ba penusah diripot nyadi kena 20 enggau 22 Mei tu tadi. Tuai Polis Pelilih Song,

Kaul komuniti Dayak meruan teguh

LUNDU: Penyerakup komuniti Dayak diatu chukup teguh taja ari bemacham raban etnik, ku Sapit Premier, Datuk Amar Douglas Uggah Embas. Iya ti temegah beratika pekara

BERITA TERBARU

RM35,000 untuk ganti paip graviti lama

PAKAN: Sejumlah RM35,000 telah diperuntukkan kepada Sekolah Kebangsaan (SK) Ulu Entaih bagi membeli dan menggantikan batang paip graviti lama sekolah tersebut untuk kegunaan seharian mereka.