ARTIKEL

NEMPA PEMERETI KOMUNITI… Aaron begambar ungkup kenang enggau bala bukai pengudah betuai ke Aum Begulai enggau MExUnity ti keterubah ungkup taun 2024 di Johor Bahru, Hari Satu tu tadi.

Roadshow Nembiak Rukun Negara dipejalai pengelama lima bulan

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

BINTULU: Opis Menteri Penyerakup Bansa deka ngatur Roadshow Nembiak Rukun Negara belabuh bulan Julai nyentuk Disember 2024 di selampur menua mungkur 1,200 penyereta.

Menteri iya, Datuk Aaron Aro Dagang madah, roadshow nya deka dipejalai ba enam zon nyengkaum ari Zon Tengah mungkur Wilayah Persekutuan Kuala Lumpur enggau Putrajaya, Zon Utara (Kedah, Perlis, Pulau Pinang enggau Perak), Zon Selatan (Johor, Melaka enggau Negeri Sembilan), Zon Timur (Kelantan, Terengganu enggau Pahang), Zon Sarawak, Zon Sabah nyengkaum Sabah enggau Wilayah Persekutuan Labuan.

Aaron madah, pengawa ngelancharka roadshow nya diperambu bulan Julai tu di Zon Tengah.

“Batang tuju roadshow tu dikena nempa pemereti nembiak belematika Rukun Negara dikena nyapai komuniti progresif seraya ngaku penyereta nyadi Duta Rukun Negara.

“Seraya, inisiatif Harmoni MADANI dikena ngerembaika prinsip integrasyen nasional iya nya Mereti, Basa enggau Nerima kelebih agi pekara ti bekaul isu kaul mensia entara bemacham jalai pengarap.

“Inisiatif ti dikerandau tu ngembuan tuju nyapai penyerakup komuniti MADANI ti nyadi aspirasyen perintah,” ku iya.

Aaron mansutka jaku nya pengudah betuai ke Aum Begulai Menteri Penyerakup Nengeri Sabah enggau Sarawak sereta Exco Penyerakup Nengeri (MExUnity) ti keterubah ungkup taun 2024 di Johor Bahru, Hari Satu tu tadi.

Nambah ke nya, iya minta kerejasama semua nengeri bisi program ikon penyerakup kediri empu ti deka disukung penuh Opis Menteri Penyerakup Bansa.

Iya mega meri tabi puji ngagai pejalai program ikon penyerakup ba renggat nengeri baka Pesta Angin Timur di Perlis, Pekit Pidato Rukun Negara di Melaka, Program Gagasan Rumpun Selangor di Selangor, Pekit Dikir Barat Perpaduan di Kelantan, Unity Camp Fire di Pahang enggau Program Silang Budaya di Johor.

Nangkan nya, Aaron andalka semua Exco terus nyukung pejalai program penyerakup dikena negutka kaul komuniti pupu bansa nipakka juluk Perintah Penyerakup diatu.

Iya mega ngemeratka pemesai reti kerejasama entara Perintah Besai enggau Perintah Nengeri ke pemaik rayat enggau menua Malaysia ngambi penyerakup nasional tetap nyadi agenda besai ngagai genap rayat.

Ku penerang opis menteri nya, MExUnity digulu raban EXCO Penyerakup Nengeri enggau EXCO Pekara Jalai Pengarap Kelimpah Ari Islam enggau nya pelasar berandau pengawa ngedutka penyerakup nyengkaum perambu enggau pejalai program penyerakup ba renggat nengeri.

Entara pekara besai ti udah dikerandau ba aum iya nya inisiatif negapka Genturung Pendiau (RT) nyadi Penyungkak Komuniti progresif, Roadshow Nembiak Rukun Negara enggau Inisiatif Harmoni MADANI.

Tanggungpengawa RT nyadi pemansang, jematan begun aba komuniti nengah pemansang ti disungkak komuniti.

Nya kebuah, inisiatif opis menteri ngambi nyapai tuju tu nengah pengawa negapka pangku pengawa RT nyadi penyungkak komuniti progresif.

Penerang nya mega madah, abis nadai 116 buah RT ari selampur menua udah dikelala nyadi Model RT Progresif dikena mantu munaska penyeranta chara berenggat ba renggat komuniti ke alai bisi 19 RT di Sabah, 12 RT di Kelantan, 12 RT di Perak enggau ke bukai di nengeri bukai.

BERITA LAIN

Nempa Sarawak nyadi tibang pemakai

TUSUN KETERUBAH MINAT Reynold anak Jacktola, 29, ti rindu agi dikangau Nol ba pengawa betanam betupi nya endang dikembuan iya ari mit laban iya datai

Tebing Sungai Saratok deka diseleti meruan

SARATOK: Perintah Sarawak deka nyeleti pengkalan ba seberai Pasar Saratok enggau jematan dikena ngelayang Sungai Paon. Kaban Kunsil Nengeri (ADUN) Kalaka, Mohamad Duri madah, sepenyampau

BERITA TERBARU

Tiga lelaki tiba-tiba rebah akibat rokok tercemar

BERLIN, Jerman: Dua lelaki tiba-tiba rebah semalamselepas menghisap rokok yang mengandungi bahan tidak diketahui, lapor agensi berita Jerman (dpa). Rokok berkenaan dipercayai dibeli daripada penjual