Rozana JD chakah bedagang kelimpah belagu

Rozana Dana, 34 tauka dikangauka Rozana JD ba dunya pemerindang tu siku penanyi Iban ke lama udah bejalaika pengawa dagang barang penganta kelimpah pengawa belagu.

Kedai Rozana Hair and Saloon ti bepalan ba Begunan Arked Mara Services di Serian mega bisi nyendiaka servis nguntin buk orang indu enggau lelaki.

Ba kedai nya, peranak asal Kampung Pelaie Baroh,Sebuyau tu bisi nyendiaka servis ngantaka mua, ngelinsu bulu bansu enggau ke bukai enggau tikas rega ke lumau.

Rozana kala belagu begulai enggau serikat Somba Mix Production di Kuching ngembuan patah nyawa ti lunak. Entara lagu ti disadaka Rozana iya nya Anang Nguji Ati Aku enggau Nanggam Semaya.

Dua buah lagu tu mega ulih dipeda mensia mayuh ba Youtube.

Rozana JD

Rozana madah diri kala dikangau merindang di Kuala Lumpur enggau ke bukai. Entara lagu Rozana ke mai iya dikelala ba industri muzik Iban iya nya Apai Bebini Baru lalu leka enggau tiun lagu tu ditengkebang Jembun Mulang sereta musik ditusun Cyril Kayam.

Lagu bukai Rozana iya nya bepadu nyawa enggau Majorie Albert nengah lagu ‘Sorry To Say’ digaga iya empu lalu muzik ditusun Cyril kayam,”ku iya maya dirandau Suara Sarawak, apin lama ke udah.

Berebak enggau nya, Rozana meransang bala peminat ti deka beguna servis nganta ari iya ulih datai terus ke kedai iya di Serian.

Taja pia,genap iku temuai ti deka ngelawa kedai Rozana dipinta nitihka Atur Standard Pengawa (SOP) ke udah ditetap raban bekuasa.

“Nya alai, terima kasih ke sukung enda leju ari mensia mayuh ngagai dagang aku ngelama tu. Nuju bala peminat, arapka kita terus nyukung laban enti nadai peminat nyangka tusah kami deka beretan ba dunya pemerindang,”ku iya.

Berebak enggau nya, Rozana meri terima kasih ngagai sida sebilik lebih agi apai enggau indai iya ke udah mayuh meri sukung sereta ngiring nyentukka iya tejapaika pemujur ba pengawa merindang enggau pengawa dagang baka ke sehari tu,

Ungkup penemu kedai Rozana Hair and Saloon dibuka kenyau ari 2016. Beoperasyen berengkah pukul 8 pagi nyentuk 5 lemai. Nangkan ke nya, Rozana bisi muka mega bisi bedagang barang pemakai renchit ba menua penatai asal iya di mega Dagang Pekayan Pengantin.

Rozana JD
Rozana JD

ROZANA JD…Maya merindang ba sebengkah pengerami di menua tu apin lama ke udah. 

Pengeraja pengawa ba Rozana Hair And Saloon benung ngiruh ngantaka penguna ti datai.

 

Pengeraja pengawa ba Rozana Hair And Saloon benung ngiruh ngantaka penguna ti datai. 

Suara Sarawak