ARTIKEL

NERANG... Abang Johari lebuh nyaut tanya pemberita sekali ke agih belanja RTP ari pengari rayat ti dikena nyeruri sekula repuk ulih ‘minta bayar’ ari Perintah Besai tauka enda pengudah bejadi Program Anugerah Pelajar Renggat Nengeri Sarawak ba Balai Santubong, Palan Aum CIDB Kuching, ditu tadi. GAMBAR RAMIDI SUBARI

RTP tau dikena nyeruri sekula repuk

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

INDUN SILONG
suarasarawak.sv@gmail.com

KUCHING: Pengari rayat diperansang ngena agih belanja Program Transformasyen Menua Pesisir (RTP) penyampau RM5 juta setaun mantu nyeruri sekula repuk.

Premier Sarawak, Datuk Patinggi Tan Sri Abang Johari Tun Openg madah, agih belanja nya tau dikena nyeruri sekula repuk aja, ukai ngaga begunan baru di sekula.

“Nya semina ungkup nyeruri, nya alai pengari rayat ulih ngena duit RTP, enti sema nyau ngaga begunan baru nya lain, nya deka diadu baka pekara ti disebut aku tadi (ngaga begunan sekula ngena belanja perintah nengeri udah nya perintah nengeri deka minta Perintah Besai mayar ungkus nya pulai baru).

“Ungkus enggau bajet nya bepanggai ngagai ni bagi utai ti diseruri, ambi ke chunto atap begunan sekula tuduh, pengari rayat ulih ngena duit RTP nganti atap nya aja, rega tu bepanggai ngagai penyai atap nya,” ku iya.

Abang Johari bejaku munyi nya lebuh nyaut tanya pemberita sekali ke agih belanja RTP ari pengari rayat ti dikena nyeruri sekula repuk ulih ‘minta bayar’ ari Perintah Besai tauka enda pengudah bejadi Program Anugerah Pelajar Renggat Nengeri Sarawak ba Balai Santubong, Palan Aum CIDB Kuching, ditu tadi.

Iya madah baru, agih belanja RTP tu enda ulih ‘minta bayar’ ari Perintah Besai laban nya semina bantu ungkup nyeruri ukai ngaga begunan baru.

BERITA LAIN

BERITA TERBARU