ARTIKEL

Sabun Secret Wash bekualiti, mayuh guna

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

PRODUK baru Lyana Beauty Care (LBC) sabun Secret Wash 2023 ti bepelasar ke madu kelulut majak nerima peminta sereta laku dijual ba makit.

Pemungkal LBC, Elvyana Lina Kalong madah, sabun Secret Wash 2023 ti berengkah dilanchar kena 1 Februari tu tadi nambah sekali lipat dalam timpuh empat bulan ti udah.

MAYUH PEMINTA

KAMI NYUKUNG… Elvyana (kanan) begambar enggau bala penguna ti meli sabun Secret Wash rambau Minggu Orang Dagang PKMS Zon Sarawak ba Coco Cabana Miri empai lama.

Elyana madahka diri berasai temegah laban sabun Secret Wash digaga iya nerima mayuh peminta ari bala penguna.

“Dalam timpuh empat bulan ti udah, aku nerima mayuh udar ari bala penguna berengkah 300 ngagai 650 pikit ninting bulan.

“Sabun tu mega chukup laku dijual nyerumba Minggu Orang Dagang PKMS Zon Sarawak ba Coco Cabana Miri empai lama,” ku iya.

Iya madah, kelimpah dijual nengah online, sabun nya bela nerima peminta nyadi tepa rambau Pengerami Ngiling Bidai Gawai 2023 enggau program bukai.

BEMACHAM GUNA

RANSING BEDAGANG… Elvyana siku pedagang datai ari Bagi Menua Simunjan ti bedagangka produk pemajik gamal diri ti digaga khas ari madu kelulut.

Produk sabun ti digaga Pemungkal LBC nya ngembuan penyelai kediri empu, bekualiti, enda ngeruga rampa menua kelimpah ngembuan seribu guna.

Iya mega madah, sabun nya ulih mantu bala indai mutar mayuh penanggul ditapi sida ba dapur.

“Sabun tu ngembuan mayuh guna baka manah dikena nuchi jari enggau nanggalka semua utai kamah.

“Tu nyengkaum utai kamah ti lekat ba kereban dapur baka kali, kain kamah, pinggai, mangkuk, kuntina plastik, baju burak nembiak sekula enggau ti bukai.

“Pia mega, sabun tu ulih mantu kitai muai abi urik pen tauka marker, utai kamah ti beminyak ba cheremin jendila enggau utai kamah ti lekat ba kantung sandik.

“Nambahka nya, sabun tu jimat dikena enggau tan lama sereta enda ngeruga rampa menua.

“Sabun tu digaga aku nitih chuan ba pemerat 100 gram lalu rega sabun tu setuku ba Sarawak semina RM5 aja tang ba Sabah enggau Semenanjung Malaysia RM6 setuku,” ku iya.

PRODUK BEKUALITI
Ku Elvyana, sabun Secret Wash nya nyamai dikena laban ulih ngeluarka mayuh pupu.

“Pupu sabun tu ulih dikena nuchi semua utai kamah baka ti dipadah aku tadi.

“Pengudah tembu nuchi kereban dapur, ai sabun tu ulih dikena nuchi singki ngambi singki dapur kitai bekilat.

“Aku ngaga sabun tu ngena chuan ti bisi langkar indu kelulut lalu mujur narit ati bala penguna laban gamal kelulut nya bisi lekat ba sabun tu,” ku iya.

Ungkup penerang, Elvyana siku pedagang ti datai ari Bagi Menua Simunjan ti ngelakuka produk pemajik gamal ari madu kelulut.

Mensia mayuh ti deka nemu silik bekaul dagang enggau produk LBC diperansang ngelawa Facebook rasmi LBC empu iya nya Lyana HQ Miri Sarawak.

BERITA LAIN

Sibu tuai rumah Sarawak Agrofest 2025

BINTULU: Sibu udah dipilih nyadi tuai rumah Sarawak Agrofest ba taun baru. Menteri Industri Pemakai, Komoditi enggau Pemansang Wilayah Sarawak, Datuk Sri Dr. Stephen Rundi

88 chalun STPM Sarawak bullh PNGK 4.0

INDUN SILONGsuarasarawak.sv@gmail.com KUCHING: Nengeri Sarawak ngerikod Purata Nilai Gred (PNGK) pemutus peresa Sijil Tinggi Persekolahan Malaysia (STPM) 2023 penyampau 2.69 enti dibanding PNGK STPM 2022

BERITA TERBARU