Sada dilanchar November 2020

SIMANGGANG: Sitak Pemansang Sri Aman (Sada) udah ngatur aum keterubah ba Opis Residen Simanggang kena Hari Lima nyin tadi.

Nitihka penerang, tuju aum nya berandauka pekara pasal atur enggau leman pejalai Sada, ripih gempung sereta langkar pelin pengawa sida.

Ba aum nya udah selubang penemu setujuka EPUS ngaga pemutus lalu begulai enggau pelin besai Sada bekenaka penerang ari opis enggau ejensi ke bisi ba bagi menua nya.

Ku Chairman Sada, Datuk Seri Hajah Rohani Abdul Karim, aum sehari nya diketuaika iya empu sereta digulu bala pengari ari GPS, HODs, EPUS enggau Urus setia ari Opis Residen Bagi Menua Sri Aman.

“Pengawa ngelancharka Pelin Besai Sada diatu udah dilanjar ngagai bulan November taun tu lalu deka dilancharka Kepala Menteri Sarawak.

“Aku nyadi komiti kordinator ti nyukung enggau mantu nyemelakan ekonomi rama enggau pemansang ulih dijapai sereta nentuka perambu pemansang dipejalai enggau meruan ditu,” terang iya.

Naka diatu, Sada datai ari Kaban Parlimen, Adun GPS, Sekretari Perintah Nengeri, Sekretari Pekara Wang Nengeri, Unit Perambu Ekonomi, Opis Kepala Menteri, Unit Ngatur Pengawa Opis Kepala Menteri, Unit Orang Gawa Nengeri, Opis Residen Sri Aman enggau opis menteri sereta ejensi bekaul.

Suara Sarawak