ARTIKEL

Sadia nganjung bantu barang dapur ngagai peranak rumah panjai Sekubang

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Penusah angus rumah ke nuntung peranak Rh Jiram Manja di Sekubang, Batu Kawa terus nerima perati ari mensia mayuh.

Bekau ari nya, Serakup Dayak Iban Sarawak (Sadia) diuluka Sekretari Besai iya, Nicholas Mujah bisi datai ngabas seraya nyuaka bantu dikena ngelempungka tating penusah peranak rumah panjai tu.

Entara barang bantu ke bisi dianjung raban Sadia barang dapur baka kali, periuk enggau pinggai mangkuk.

Nangkan ke nya, Tr Jiram bisi minta perintah lengkas nulung ngiga palan endur sida serumah ngentak baru laban timpuh endur sida diasuh ngenduh ba Sekula China ke enda jauh ari Pasar Lama Batu Kawa naka seminggu aja.

“Kami minta perintah lengkas berundingka palan endur kami bedampa laban palan ke endur ngenduh diatu (sekula China) semina ulih ditu naka seminggu aja,” ku iya mansutka sebana ba sebengkah penerang, kemari.

Berebak enggau nya, Tr Jiram ngarapka udah tu bisi orang gerah jari nulung nembiak redak iya ari sukut bantu dikena bala nembiak besekula laban semua kereban sekula sida bela udah angus.

“Bala nembiak sekula kami serumah diatu beguna amat ke bantu bup, pen, pensil enggau perengka elektronk dikena sida belajar ari rumah (PdPR) baka laptop tauka komputer,” ku iya.

Ungkup penemu, rumah panjai Sekubang pemanjai 23 pintu dituntung penusah angus kena 10 Ogos tu tadi lalu ngujungka urung 150 peranak ke nguan rumah panjai nya lenyau lengis reta tengira.

BANTU SADIA…Raban Sadia nganjung bantu ungkup peranak Rh Jiram Manja (tiga kiba) di Sengkubang, Batu Kawa. Bela bisi dipeda Nicholas Mujah (dua kiba), Mabong Unggang (kiba) enggau bala bukai.

BERITA LAIN

Nempa Sarawak nyadi tibang pemakai

TUSUN KETERUBAH MINAT Reynold anak Jacktola, 29, ti rindu agi dikangau Nol ba pengawa betanam betupi nya endang dikembuan iya ari mit laban iya datai

Tebing Sungai Saratok deka diseleti meruan

SARATOK: Perintah Sarawak deka nyeleti pengkalan ba seberai Pasar Saratok enggau jematan dikena ngelayang Sungai Paon. Kaban Kunsil Nengeri (ADUN) Kalaka, Mohamad Duri madah, sepenyampau

BERITA TERBARU