Sagrotek nyungkak ekonomi

KUCHING: Perambu Gerempung Nembiak Bansa Sarawak (Saberkas) deka nangkir Palan Pemansang Agroteknologi (Sagrotek) besai agi deka dipejalai nengah kerejasama begulai.

Kepala Menteri Datuk Patinggi Abang Johari Tun Openg madah, perambu tu dipujur nengah kerejasama begulai enggau Unimas sereta raban ari Singapore.

“Kaul kerejasama tu dipelaba berengkah taun baru lalu bisi dua sektor deka dipejalai dikena mantu enggau ngembing rebak baru nyungkak ekonomi menua.

“Dua sektor tu dikeandal ulih nyamin peluang pengawa nitihka penau sida enggau nambahka ekonomi ngagai nembiak rebak baru,” ku iya.

Abang Johari ti mega Presiden Saberkas bejaku munyi nya ba aum pemberita pengudah Aum Komiti Besai Saberkas Nengeri Sarawak Ke-52 ba sebuah hotel tebilang ditu tadi.