Sah mih penusah kami, puas betarit entukar tepagang

PAKAN: “Kami ditu nyau udah puas betaritka entukar tepagang ba jalai ke ngeruang tiap kali maya hari udah ujan,”ku siku peranak Rh Jembau, Tanjung Kedang, Kalom Munji,45 taun nusui sebana ngagai Suara Sarawak.

Ku iya, pengawa betaritka entukar nyau baka nyadi ‘main’ sida semenua lebih agi maya musin landas.

“Bisi enam buah rumah panjai sama nengah jalai alun tu nyengkaum siti genturung pendiau Mualaf sereta jalai ngelawa Sekula Primari (SK) Nanga Kota.

“Pejalai ngelawa SK Nanga Kota ari pun jalai besai bisi empat Kilometer.

“Suba taun 2020 bisi langgur ari opis bekaul deka ngadu jalai tu tang nyentuk sehari tu lalu nadai bekau digaga,”ku iya.

“Enda nemu ni maya badu merinsa nengah jalai ke baka tu. Nya alai, minta raban bekaul datai mih ngesah penusah kami, peratika pengelikun kami, kasih ke bala pengajar enggau nembiak sekula ke suah nengah jalai tu,”ku iya.

KALOM MUNJI