KUCHING: Kaunsil Penyerakup enggau Pengintu Tanah Sarawak (SALCRA) nerima Anugerah Engkeraju ba Anugerah Integriti, Governans enggau Benchi Makai Suap (AIGA 2023).
Nengah sebengkah penerang ensanus, Menijar Besai SALCRA, Joseph Blandoi, madah anugerah nya mandangka penyulut pengawa raban sida narak budaya kereja ti beresi.
“Lebuh aku megai SALCRA, kitai ngepunka pengawa enggau ngelangkar Pelin Benchi Makai Suap Organisasyen (OACP) enggau bejalaika bemacham inisiatif.
“Pengudah tiga taun, kami udah beratika sekeda pemutus ti manah baka anugerah tu, kelimpah ditisih SPRM nyadi organisasyen risiko jelan iya,” terang iya.
Joseph madah baru, SALCRA ngambi bagi dalam Anugerah AIGA 2023 dikena ngelala takah enggau pengelemi dalam sistem sida enggau tuju dikemanah.
“Aku patut meri terima kasih ngagai semua pegawai enggau staf SALCRA laban nyukung tegut inisiatif tu.
“Agi mayuh pekara patut dikemanah.
Kami deka bejalaika mayuh agi inisiatif nentuka semua orang dalam organisasyen meretika pemesai guna integriti maya bejalaika tanggungpengawa sida.
“Entara inisiatif baru nyengkaum Sistem Pengatur Pengawa Benchi Makai Suap ti deka belabuh taun tu,” ku Joseph.
Pengawa nyua anugerah nya udah diatur di Putrajaya kena 22 Februari tu tadi.
AIGA ditumbuh dikena ngaku enggau ngenang pengawa sereta pengeransing sektor perintah enggau peribit narak budaya integriti, atur gawa enggau benchi ke ulah makai suap dalam organisasyen sida.
